EPPC Albania në emër të klientit të saj, një kompani lider në furnizimin e pajisjeve dhe teknologjive mjekësore në Shqipëri, me partneritete të konsoliduara ndërkombëtare dhe fokus në zgjidhje të avancuara klinike, është aktualisht në kërkim te një Sales Representative (Laboratory Products).

Përgjegjësitë kryesore:

• Ndërtimi dhe zhvillimi i marrëdhënieve afatgjata me laboratorë analitikë (ujë, ajër, ushqim, etj), përmes menaxhimit aktiv të klientëve ekzistues dhe identifikimit të klientëve të rinj në treg;
• Promovimi dhe shitja e produkteve laboratorike, duke përfshirë reagente, materiale konsumi dhe zgjidhje të tjera për analiza;
• Identifikimi i mundësive të reja për biznes dhe zgjerimi i portofolit të klientëve në treg;
• Menaxhimi aktiv i ciklit të shitjes në terren, nga identifikimi i klientëve potencialë deri në ndjekjen dhe finalizimin e porosive;
• Ofrimi i këshillimit bazë teknik për klientët mbi përdorimin e produkteve dhe zgjidhjeve të ofruara;
• Zbatimi i strategjive të shitjes dhe marketingut në përputhje me objektivat e kompanisë;
• Monitorimi i tregut, konkurrencës dhe zhvillimeve në fushën e analizave laboratorike;
• Raportimi periodik mbi aktivitetin në terren, performancën dhe arritjen e objektivave.

Kërkesat për këtë pozicion janë:

• Diplomë në Kimi, Biokimi, Biologji, Bioteknologji, ose fusha të tjera të lidhura me to;
• Eksperiencë e mëparshme në shitje (do te ishte e preferueshme në produkte laboratorike ose teknike);
• Aftësi për të kuptuar produkte laboratorike dhe për t’i prezantuar ato në mënyrë të qartë tek klientët;
• Aftësi të mira komunikimi, negocimi dhe ndërtimi marrëdhëniesh;
• Orientim drejt rezultateve dhe aftësi për të punuar në mënyrë të pavarur në terren;
• Njohuri të mira të gjuhës angleze;
• Patentë shoferi e kategorisë B (shofer aktiv).