Pozicioni: Jurist
Vendndodhja: Zyra Qëndrore, Tiranë

Detyrat bazë dhe qëllimi i pozicionit: Mbështet kompaninë në çdo çështje ligjore të ngritur dhe harton të gjitha dokumentet ligjore të nevojshme. Ofron opinione ligjore në lidhje me çështjet ligjore siç kërkohet nga kompania.

Përgjegjësitë kryesore:

• Aplikimet online të procedurave të ndryshme të shoqërisë të tilla si markat, patentat, licencat, pasqyrimet e vendimeve të asamblesë, ndryshimet në statutin e shoqërisë apo kompetencat e administratorit si dhe ndryshime të tjera. Përdorimi i e-albania konfidencial;
• Zgjidhja e problematikave që lindin përgjatë dakordësisë së kontratave të qirasë;
• Kontratat e kalimit të të drejtave dhe detyrimeve në raste specifike;
• Kontratat kur bëhet çelja e trashëgimisë dhe ndryshimi i palëve apo ndryshime që kërkojnë procedura të tjera rishikimi;
• Interpretime ligjore rast pas rasti;
• Compliance për cdo rast kur ekziston mundësia e mospërputhjes së procedurave të brendshme të kompanisë me vetë ligjin në fuqi dhe ndryshimet që ky i fundit mund të pësojë;
• Ndjekja e auditimit dhe cdo kërkese DPO përsa i përket mbrojtjes së të dhënave personale;
• Problematikat me punëmarrësit, kontratat e punës, largimet e punonjësve për cështje delicate( procedura që ndiqet), moszbatimet në praktikë dhe penalitetet që duhet të ekzekutohen, cështjet që prekin sistemin gjyqesor etj;
• Shkresa dalëse për projekte të rëndësishme Spar.

Edukimi:
Diplomë Bachelor në Drejtësi, Drejtësi Biznesi ose fusha të tjera të ngjashme.
Preferohet të ketë kryer studimet e larta Master.

Eksperienca: Minimumi 2 vite eksperiencë pune në pozicione të ngjashme.

Kualifikime të tjera:

• Integritet dhe etikë e lartë profesionale
• Njohuri të mira të gjuhës Angleze.

Kompetenca personale:

• Njohuri shumë të mira të kuadrit ligjor.
• Aftësi shumë të mira analitike, proaktive dhe të orientuara drejt rezultateve
• Aftësi të shkëlqyera ndërpersonale dhe komunikuese

*Të gjitha aplikimet do të trajtohen me konfidencialitet të plotë sipas ligjit Nr .9887 vendosur nga Kuvendi i Shqipërisë për “Mbrojtjen e të Dhënave Personale”.